Default title

Desde o 1 de Outubro os mellores equipos do mundo vense as caras en Corea do Sur, os seus equipos son considerados un referente e un inimigo a bater.

Hai 8 anos que gozamos do primeiro Campionato Mundial de League of Legends,hai 8 anos que Europa levantou a copa. Hoxe, 8 anos máis tarde, Europa volve con máis fame que nunca, disposta a alcanzar a cima unha vez máis e recuperar a coroa para o vello continente.

Durante estes meses de League Championship Series ou “LCS”os distintos equipos de cada rexión compiten entre eles para mellorar como conxunto e demostrar cal é a mellor aliñación. O tres mellores equipos de cada liga serán os representantes das súas rexións no campionato mundial.

 

RISE

O tema dos mundiais deste ano non podería ser máis ilustrativo. Todos os equipos pelexarán durante estas semanas para conseguir a copa e un posto na historia do LoL.

Fnatic, G2 Esports e Team Vitality, son os equipos europeos que superaron para medir as súas forzas en Corea co resto de equipos clasificados.

Mads “Broxah” Brock-Pedersen, Rasmus “Caps” Winther e Martin “Rekkles” Larsson tras gañar o seu último partido contra Invictus Gaming. Foto propiedade de Riot Games.

Fnatic é unha das organizacións máis antigas da nosa rexión e a favorita de occidente para plantarlle cara aos asiáticos. O danés Caps é O home de occidente, defensor da rúa central e o pai de todos os espectadores españois. Caps é un xogador que non deixou indiferente a ninguén, nin aos xogadores doutras rexións, nin aos comentaristas. A súa calidade é incuestionable e non cabe a menor dúbida de que terá un oco na historia do equipo e do xogo. O equipo terminou a fase de grupos como cabeza do seu tras gañar á aliñación chinesa Invictus Gaming nunha partida de desempate.

G2 Esports gañouse o seu posto en cuartos de final a pulso. Empezaron a súa carreira nestes mundiais desde os Play In, na fase de grupos ninguén cría que puidesen imporse sobre Afreeca Freecs e Flash Wolves.Aínda así case acaban a fase de grupos como os primeiros do grupo A. Agora terán que verse as caras co favorito para gañar o mundial, Royal Never Give Up e Jian “Uzi” Zi-Hao, o tirador estrela.

Team Vitality ten na súa aliñación a tres xogadores nóveles na LCS. A súa carreira poderíase denominar un “0 to Hero”, desde a Super Liga Orange, liga española, até o campionato mundial. Amadeu “Attila” Carvalho, Jakub “Jactroll” Skurzyński e Daniele “Jiizuke” di Mauro son os protagonistas desta fazaña. Desgraciadamente, a pesar da súa gran actuación nestes mundiais, non conseguiron pasar da fase de grupos tras enfrontarse a RNG, os favoritos; Gen.G,os gañadores do ano pasado, e Cloud9, a aliñación norteamericana.

 

Make EU Great Again

Desde eses primeiros mundiais a competición cambiou moito. Ninguén se imaxinou nesa primeira competición que 5 anos máis tarde as finais levarían a cabo na casa de Los Ángeles Lakers, o Staples Center. O ano pasado levarían a cabo no Estadio Nacional de Pekín, onde Riot Games sorprendeunos con ese dragón ancián de realidade aumentada. Como se adoita dicir, The Show Must Go On, a ver con que nos sorprenden este ano no Estadio Munhak de Incheon.

Actuación de Against The Current na Ceremonia de Apertura de Pekin 2017.

A que se debe este aumento de audiencia nos Esports e concretamente en League of Legends? Todo suma, pero desde logo non podemos desmerecer o peso que tiveron as Redes Sociais.

Twitter e Twitch.tv son as que levan o premio gordo. As dúas conseguen que os espectadores sentan como nun bar, vendo e comentando as partidas con outros miles de usuarios. En Twitter úsanse os hashtags para comentar entre todos esa xogada que che fai levantarche do asento. De feito, durante estes días conseguiuse entrar na lista de Trending Topics cos hashtags #Worlds2018, #Fnatic, #WorldsGruposLVP8 e #EUphoria.

En canto a Twitch.tv, a plataforma de vídeo en directo por excelencia. Lugar no que os espectadores da competición se reúnen para vela en compañía. Durante estes días superáronse os 45.000 espectadores espectadores simultáneos nalgúns momentos. O ano pasado alcanzáronse os 75 millones de espectadores durante as finais. As cifras pódense consultar neste artigo de Marca Esports.

Desde logo, as Redes Sociais non son o único factor a ter en conta cando falamos do éxito dos Esports, pero cuán significativo é o seu papel?

Deixa unha resposta

O teu enderezo electrónico non se publicará Os campos obrigatorios están marcados con *